საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარემ ვაჟა ფანჩულიძემ და მისმა მოადგილემ ნუგზარ გასვიანმა ჩქაროსნული მაგისტრალის რუისი-აგარას 19 კილომეტრიანი მონაკვეთის მშენებლობაზე მონიტორინგი განახორციელეს.

რუისი-აგარის სამშენებლო მონაკვეთზე პროექტის ფარგლებში გათვალისწინებული 5 გზაგამტარისა და 3 ხიდის სამშენებლო სამუშაოები უკვე დასრულდა. აშენდა 36 რკინაბეტონის წყალგამტარი მილი და 6 მიწისქვეშა სამეურნეო გასასვლელი.

აღნიშნულ მონაკვეთზე გასულ წლებში 8 კილომეტრიანი მონაკვეთის მშენებლობა დასრულდა და მოძრაობა გაიხსნა. მთლიანად 19 კილომეტრიანი მონაკვეთის მშნებლობა ორივე მიმართულებით კი მიმდინარე წლის ბოლომდე დასრულდება და მოძრაობა გადაირთვება. აღნიშნული პროექტის დონორი მსოფლიო ბანკია.