თოვლისა და ლიპყინულის გამო, თბილისის შემოსავლელი გზის კმ4-კმ28 (ზაჰესი-მარტყოფი) მონაკვეთში  მისაბმელიანი და ნახევრადმისაბმელიანი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით, ხოლო დანარჩენი სახის ავტოტრანსპორტის მოძრაობა თავისუფალია.

ინტენსიური თოვისა და ლიპყინულის გამო, თბილისი-თიანეთის საავტომობილო გზის კმ15-კმ60 (ცხვარიჭამია-თიანეთი) მონაკვეთში ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.