საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტმა, ქ. ბოლნისში გამავალი, საერთაშორისო მნიშვნელობის ფონიჭალა-მარნეული-გუგუთის საავტომობილო გზის კმ48-კმ53 მონაკვეთის პერიოდული შეკეთების სამუშაოები დაასრულა.

პროექტის ფარგლებში, 5 კმ-იან მონაკვეთზე მოეწყო ასფალტ-ბეტონის საფარი, ტროტუარები, მოსახლეობის ეზოებში შესასვლელები, მიერთებები და  საგზაო ნიშნები. განხორციელდა გზის სავალი ნაწილის ჰორიზონტალური მონიშვნა.

სამუშაოები სახელმწიფო ბიუჯეტიდან დაფინანსდა და  მისმა ღირებულებამ 2.8 მლნ. ლარი შეადგინა.