ჩოლაბურის ხიდი-თერჯოლა-ტყიბულის გზის 11.6 კმ-იანი მონაკვეთის რეაბილიტაცია სრულდება
![](http://www.georoad.ge/uploads/news/pic.php?size=thumb&img=1655117934_1655117953_5_286071328_3116051178723933_4820875091031103233_n.jpg)
ჩოლაბურის ხიდი-თერჯოლა-ტყიბულის გზის 11.6 კმ-იანი მონაკვეთის რეაბილიტაცია სრულდება
13 ივნ, 2022 14:57:36
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი თერჯოლის მუნიციპალიტეტში, შიდასახელმწიფოებრივი მნიშვნელობის ჩოლაბურის ხიდი-თერჯოლა-ტყიბულის საავტომობილო გზაზე 11.6 კმ-იანი მონაკვეთის სარეაბილიტაციო სამუშაოებს ასრულებს. სარეაბილიტაციო მონაკვეთი თერჯოლის მუნიციპალიტეტში მდებარეობს. იწყება ქალაქ თერჯოლის ცენტრში და გაივლის სოფლებს: რუფოთს, ახალ თერჯოლას, ჩხარს და სოფელ ძევრს.
პროექტის შესაბამისად, დაიგო ასფალტ-ბეტონის საფარი, რეაბილიტაცია ჩაუტარდა ხელოვნურ ნაგებობებს, მოეწყო მოსახლეობის ეზოებში შესასვლელები და ადგილობრივ გზებთან მიერთებები. ჩატარდება გზის ჰორიზონტალური მონიშვნისა და საგზაო ნიშნების მოწყობის სამუშაოები.
პროექტი, სახელმწიფო ბიუჯეტიდან 8.5 მილიონი ლარით ფინანსდება.
![](http://www.georoad.ge/images/intmap2.png)