ჩატარებული ინტენსიური გაწმენდითი სამუშაოების შედეგად, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის მლეთა-გუდაურის მონაკვეთზე ავტოტრანსპორტის გადაადგილება აღდგენილია. მლეთა-გუდაურის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში. 

გაწმენდითი სამუშაოები აქტიურად მიმდინარეობს სტეფანწმინდა-ლარსის მონაკვეთზე, რათა ავტოტრანსპორტის მიმოსვლა უმოკლეს ვადებში აღდგეს. 

ზვავსაშიშროება ჯერჯერობით კვლავ ნარჩუნდება გუდაური–კობის მონაკვეთზე, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.