ქუთაისში 29 ქუჩის რეაბილიტაცია მიმდინარეობს
![](http://www.georoad.ge/uploads/news/pic.php?size=thumb&img=1602053797_1602053811_28_IMG_0600.jpg)
ქუთაისში 29 ქუჩის რეაბილიტაცია მიმდინარეობს
07 ოქტ, 2020 10:55:34
საავტომობილო გზების დეპარტამენტი, მთავრობის განკარგულებით, ქუთაისის ქუჩების რეაბილიტაციას ახორციელებს. საერთო ჯამში ქ. ქუთაისში 29 ქუჩაზე სრულად მოწესრიგდება საგზაო ინფრატსრუქტურა და საინიაღვრე სისტემები. აღსანიშნავია რომ, სრული რეაბილიტაცია უტარდება ქუთაისის 2 ცენტრალურ ქუჩას, კერძოდ აღმაშენებლისა და წერეთლის ქუჩებს.
ქუთაისის ქუჩების რეაბილიტაციის ფარგლებში, დაიგება ასფალტ-ბეტონის საფარი, რეაბილიტირდება ხელოვნური ნაგებობები, მოეწყობა წყალგამტარი მილები, ბორდიურები, ტროტუარები და საგზაო ნიშნები.
29 ქუჩის რეაბილიტაციის ჯამური ღირებულება 22 მილიონი ლარია. სარეაბილიტაციო ქუჩების საერთო სიგრძე 10 კმ-ზე მეტია.
პროექტის დასრულების შემდეგ, უსაფრთხო და კომფორტული გახდება ქუთაისის ქუჩებში გადაადგილება.
![](http://www.georoad.ge/images/intmap2.png)