საავტომობილო გზების დეპარტამენტი
19 და 20 ოქტომბერს გომი-საჩხერე-ჭიათურა-ზესტაფონის გზაზე შეზღუდვები დაწესდება
19 და 20 ოქტომბერს გომი-საჩხერე-ჭიათურა-ზესტაფონის გზაზე შეზღუდვები დაწესდება
17 ოქტ, 2018 12:07:17

შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ56 მონაკვეთზე, ქ. საჩხერეში რკინიგზის სადგურის ტერიტორიაზე, ცენტრალურ ავტომაგისტრალზე, 2018 წლის 19 ოქტომბერს დაგეგმილია „საზოგადოებრივი ცენტრის“ გახსნა. რის გამოც, 19 ოქტომბერს 06:00 სთ-დან 17:00 სთ-მდე, ამ მონაკვეთში ავტოტრანსპორტის მოძრაობა განხორციელდება ცალმხრივ რეჟიმში.

ასევე, ამავე მონაკვეთზე, 2018 წლის 20 ოქტომბერს დაგეგმილია სახალხო დღესასწაული „საჩხერლობა 2018“. რის გამოც, 20 ოქტომბერს 10:00 სთ-დან 22:00 სთ-მდე, ქ. საჩხერეში აგრარული ბაზრის გადასასვლელი საცალფეხო ხიდიდან რკინიგზის გადასასვლელამდე, იკრძალება ავტოტრანსპორტის მოძრაობა.

დროის ამ მონაკვეთზე, ავტოტრანსპორტის მოძრაობა განხორციელდება ქ. საჩხერეში არსებული ბაზრის ტერიტორიის, ე.წ. „ბამბუკის დასახლების“ და სარკინიგზო გადასასვლელის გავლით.

აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.

ფოტო მასალა
ინტერაქტიული რუკა
საქართველო 0160, ქ. თბილისი, ალ ყაზბეგის №12
info@georoad.ge
ცხელი ხაზი:
(995 32) 2 31 30 76
შემოგვიერთდით: