დღეს ღამით, თბილისი-სენაკი-ლესელიძის ავტომაგისტრალის რიკოთის საუღელტეხილო გვირაბში მოძრავ ავტომობილს ცეცხლი გაუჩნდა.

დაუყოვნებლივ განხორციელდა შესაბამისი სამაშველო სამუშაოები, შემთხვევის თანავე გვირაბის ხანძარსაწინააღმდეგო და სავენტილაციო სისტემები ამოქმედდა.

აღნიშნულიდან გამომდინარე გვირაბში სატრანსპორტო საშუალებების გადაადგილება 1 საათით გადაერთო რიკოთის გვირაბის შემოვლით გზაზე. ამ ეტაპზე, ცეცხლი ლიკვიდირებულია, დაზიანებული ავტომობილი გვირაბიდან გამოყვანილია და ავტოტრანსპორტის მოძრაობა რიკოთის გვირაბში აღდგენილია.