ზემო ოსიაური - არგვეთას მონაკვეთის ტექნიკურ-ეკონომიკური დასაბუთება მომზადდება
![](http://www.georoad.ge/uploads/news/pic.php?size=thumb&img=1403077479_1403077499_46_logo facebook.png)
ზემო ოსიაური - არგვეთას მონაკვეთის ტექნიკურ-ეკონომიკური დასაბუთება მომზადდება
18 ივნ, 2014 00:00:00
საქართველოს საავტომობილო გზების დეპარტამენტმა კორეულ კომპანია „პინგვა ინჯინეარინგ კონსალთენს“-თან ხელშეკრულება გააფორმა. ხელშეკრულება აღმოსავლეთ-დასავლეთის ჩქაროსნული ავტომაგისტრალის გაუმჯობესების მეოთხე პროექტის (EWHIP-4) ფარგლებში დაიდო და მის თანახმად ზემო ოსიაური-არგვეთას მონაკვეთის ტექნიკურ-ეკონომიკური დასაბუთება და ზემო ოსიაური-ჩუმათელეთის მონაკვეთის დეტალური საინჟინრო პროექტი მომზადდება.
ტექნიკურ-ეკონომიკური დასაბუთება მოიცავს, აღმოსავლეთ-დასავლეთის ჩქაროსნული ავტომაგისტრალის დამაკავშირებელი, ზემო ოსიაური-არგვეთას მონაკვეთის ახალი მიმართულების განსაზღვრას.
ხელშეკრულების ვადაა 10 თვე და ორი კვირა, ღირებულება კი 2 120 342 აშშ დოლარსა და 3 449 057 ლარს შეადგენს. პროექტი მსოფლიო ბანკის მიერ ფინანსდება.
![](http://www.georoad.ge/images/intmap2.png)