მცხეთა-სტეფანწმინდა-ლარსის საავტომობილო გზის დარიალის მონაკვეთზე ავტოტრანსპორტის  მოძრაობა  შეუფერხებლად ხორციელდება. დროებითი გზის მოვლა–შენახვის სამუშაოებს სახელმწიფო სამშენებლო კომპანიის წარმომადგენლები პერიოდულად აწარმოებენ.

აღნიშნული გზის 134-ე კილომეტრზე ავტოტრანსპორტის  მოძრაობა   საპატრულო პოლიციის უშუალო ზედამხედველობით და კოორდინაციით მიმდინარეობს.

შეგახსენებთ, რომ დარიალის ხეობაში, დროებითი გზა საქართველოს საავტომობილო გზების დეპარტამენტმა   14 ივნისს გახსნა.