საქართველოს მთავრობის განკარგულების საფუძველზე, ინფრასტრუქტურის სამინისტროს საავტომობილო გზების დეპარტამენტმა შიდასახელმწიფოებრივი მნიშვნელობის მეფისქალაქი–რკონის საავტომობილო გზის დაახლოებით 9-კილომეტრიანი მონაკვეთის (კმ 4 – კმ 13) რეაბილიტაციაზე ელექტრონული ტენდერი გამოაცხადა.

სარეაბილიტაციო მონაკვეთზე გზის საფარი ძირითადად ხრეშოვანია, რაც მნიშვნელოვნად აფერხებს ავტოტრანსპორტის გადაადგილებას. სატრანსპორტო მოძრაობის გასაუმჯობესებლად, გზის მონაკვეთზე ჩატარდება თანამედროვე სტანდარტების შესაბამისი სარეაბილიტაციო სამუშაოები.

მეფისქალაქი–რკონის საავტომობილო გზა კასპის მუნიციპალიტეტს აკავშირებს ტურისტულად მნიშვნელოვან რკონის ხეობასთან, ხოლო სოფლებს — რკონს, ჩაჩუბეთსა და ერთაწმინდას — მუნიციპალიტეტის ადმინისტრაციულ ცენტრთან. შესაბამისად, გზის მოწესრიგება მნიშვნელოვანი იქნება როგორც ტურისტული თვალსაზრისით, ასევე ადგილობრივი მოსახლეობის კომფორტულიგადაადგილებისთვის.

პროექტის სავარაუდო ღირებულება 8 628 830 ლარს შეადგენს და სრულად ფინანსდება საქართველოს სახელმწიფო ბიუჯეტიდან. სამუშაოების შესრულების ვადა სამუშაოების დაწყებიდან 12 თვეა.

 შესყიდვის ბმული: >>>>