რაჭა-ლეჩხუმის რეგიონში ქუთაისი-ალპანა-მამისონის უღელტეხილის საავტომობილო გზის 111-ე კმ-ზე ჩამოწოლილი მეწყერის შედეგად გადაკეტილი გზა გახსნილია. აღნიშნულ მონაკვეთზე ყველა სახის ავტოტრანსპორტის მოძრაობა თავისუფალია. ამბროლაური-ონის მონაკვეთზე 24 საათიან რეჟიმიში მიმდინარეობდა გზის გაწმენდითი სამუშაოები.
კვლავ აკრძალულია მოძრაობა ზვავსაშიშროების გამო, მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე. ადგილზე მობილიზებულია ტექნიკა და ზვავსაშიშროების მოხსნის შემდეგ დაიწყება გზის გაწმენდითი სამუშაოები. გზის დანარჩენ მონაკვეთებში ავტოტრანსპორტის მოძრაობა თავისუფალია.
საქართველოს საავტომობილო გზების დეპარტამენტი საგანგებო რეჟიმში აგრძელებს მუშაობას.