დიდთოვლობის გამო, მცხეთა-სტეფანწმინდა-ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა, საქართველოს გარემოს დაცვისა და ბუნებრივი რესურსების სამინისტროს გარემოს ეროვნული სააგენტოს ცნობით, ზვავსაშიშროების გამო გუდაური(ფოსტა)-კობის მონაკვეთზე დღის 11:00 სთ-დან საღამოს 19:00 სთ-მდე ყველა სახის ავტოტრანსპორტის მოძრაობა აკრძალულია, დღე-ღამის დანარჩენ პერიოდში ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.
გუდაური(ფოსტა)-კობის მონაკვეთებზე ავტოტრანსპორტის მიმოსვლისას აიკრძალოს მათი გაჩერება, ავტოტრანსპორტის მოძრაობა განხორციელდეს ზვავდამცავი გვირაბების გავლით. მოძრაობა გნხორციელდეს ცალმხრივი მიმართულებით საპატრულო პოლიციის უშუალო ზედამხედველობით და კოორდინაციით.
ზვავსაშისროების გამო, ამავე გზის სტეფანწმინდა-ლარსის მონაკვეთზე დღის 12:00 სთ-დან საღამოს 18:00 სთ-მდე ყველა სახის ავტოტრანსპორტის მოძრაობა აკრძალულია, დღე-ღამის დანარჩენ პერიოდში ავტოტრანსპორტის მოძრაობა თავისუფალია. სტეფანწმინდა-ლარსის მონაკვეთზე ავტომანქანების მიმოსვლისას აიკრძალოს მათი გაჩერება. აღნიშნული რეჟიმით მოძრაობა განხორციელდეს საპატრულო პოლიციის უშუალო ზედამხედველობით და კოორდინაციით.
გზის დანარჩენ მონაკვეთებში ავტოტრანსპორტის მოძრაობა თავისუფალია.
