ბუნებრივი და სოციალური გარემოს მენეჯმენტის ჩარჩო დოკუმენტი შიდასახელმწიფოებრივი და ადგილობრივი გზების II პროექტის განსახორციელებლად
1. შესავალი
1. ბუნებრივი და სოციალური გარემოს შეფასებისა და დაცვის პრინციპების განმსაზღვრელი ჩარჩო დოკუმენტი მომზადდა მსოფლიო ბანკის მიერ მხარდაჭერილი საქართველოს შიდასახელმწიფოებრივი და ადგილობრივი გზების II პროექტის (SLRP-II) საჭიროებისათვის. პროექტის ფარგლებში მოხდება არსებული გზების მაღალ პრიორიტეტული მონაკვეთების რეაბილიტაცია, რომლებიც კლასიფიცირებულია როგორც შიდასახელმწიფოებრივი და ადგილობრივი გზები. პროექტის ფარგლებში მოქმედებს მსოფლიო ბანკის უსაფრთხოების პოლიტიკის 2 დოკუმენტი: OP/BP 4.01 ბუნებრივი გარემოს შეფასება და OP/BP 4.12 არანებაყოფლობითი განსახლება. მსოფლიო ბანკის OP/BP E4.01 დოკუმენტის თანახმად, პროექტი გარემოსდაცვითი კუთხით კლასიფიცირდება როგორც “ბ” კატეგორიის მქონე. წინამდებარე ბუნებრივი და სოციალური გარემოს მენეჯმენტის ჩარჩო დოკუმენტში მოცემულია პროექტის შესაბამისი ბუნებრივი გარემოს მენეჯმენტის ძირითადი პრინციპები და ადგილ-სპეციფიკური გარემოსდაცვითი ღონისძიებების განსახორციელებლად საჭირო სახელმძღვანელო მითითებები როგორც ინდივიდუალური ინვესტირებისთვის, ისე საჯარო პრეზენტაციისა და დაინტერესებულ მხარეებთან პროექტის შესაძლო გავლენის შესახებ კონსულტაციების მიზნით. პროექტით გათვალისწინებული ღონისძიებების განსახორციელებლად ქართული ეროვნული კანონმდებლობით ბუნებრივი გარემოს არანაირი სახის შეფასება, მენეჯმენტის გეგმა, განხილვა და ნებართვები მოთხოვნილი არ არის. ამდენად, პროექტის განხორციელების პროცესში გარემოსდაცვითი ღონისძიებების სათანადო შემოწმება მოხდება მსოფლიო ბანკის უსაფრთხოების პოლიტიკის დოკუმენტების შესაბამისად.
მსოფლიო ბანკის OP/BP E4.12-ის თანახმად მომზადდა განსახლების პოლიტიკის ჩარჩო დოკუმენტი, სადაც განსაზღვრულია სამართლიანი კომპენსაციის ძირითადი პრინციპები პროექტის განხორციელების შედეგად ზემოქმედების ქვეშ მოქცეული პირების მიერ საკუთრების ან ნებისმიერი აქტივების გამოყენების უფლების არანებაყოფლობითი დათმობისთვის. აღნიშნული ინდივიდუალური ინვესტიციებისთვის შემუშავდება ადგილ-სპეციფიკური განსახლების სამოქმედო გეგმები, რომელთა მოსამზადებლად გამოყენებული იქნება მსოფლიო ბანკის OP/BP 4.12. მიუხედავად იმისა, რომ მსგავსი შემთხვევები შესაძლოა იშვიათი იყოს, მათი სათანადო რეგულირებისთვის უნდა არსებობდეს დაგეგმილი ღონისძიებები, საჭიროების მიხედვით.
დამატებითი ინფორმაციისთვის იხილეთ
დამატებითი ინფორმაციისთვის იხილეთ
