სიახლეები
-
13 თებერვალი, 2011
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ქუთაისის ოფისში აკაკი წერეთლის სახელობის უნივერსიტეტის წარმატებული სტუდენტები იმუშავებენ. რეგიონული განვითარებისა და ინფრასტრუქტურის მინისტრი რამაზ ნიკოლაიშვილი ქუთაისის აკაკი წერეთლის სახელობის უნივერსიტეტის 11 სტუდენტს შეხვდა, რომლებმაც სტაჟირება საავტომობილო გზების დეპარატმენტის ქუთაისის ოფისში გაიარეს.
|
-
1 თებერვალი, 2011
ასპინძის რაიონში, ხერთვისი-ვარძიის საავტომობილო გზასთან, მდინარე მტკვარზე, ახალი 70 მეტრიანი საავტომობილო ხიდის მშენებლობა მიმდინარეობს, რომელიც მოსახლეობას და ტურისტებს ვარძიის სამონასტრო კომპლექსთან დააკავშირებს.
ამჟამად დასრულებულია ხიდის ბურჯების მშენებლობა და მიმდინარეობს კოჭების მონტაჟი. ხიდის სავალ ნაწილზე, რომლის სიგანე 13 მეტრია ასფალტ-ბეტონის საფარი დაიგება, მოეწყობა ტროტუარები და მოაჯირები. პარალელურად მიმდინარეობს საყრდენი კედლის მშენებლობა, რომელიც ხიდთან მისასვლელ გზაზე მდებარეობს და ტრანსპორტის უსაფრთხო გადაადგილებას უზრუნველყოფს.
|
-
14 იანვარი, 2011
ბაკურიანი ზამთარს მომზადებული შეხვდა. ტურისტული სეზონისათვის წრიული 3 კმ-იანი საავტომობილო გზის სარეაბილიტაციო სამუშაოები დასრულებულია. დასასრულს უახლოვდება წყალმომარაგების სისტემის სარეაბილიტაციო სამუშაოებიც, რის შემდეგაც დაბას 24 საათიანი წყალმომარაგება ექნება.
|
-
7 იანვარი, 2011
თბილისის შემოვლითი გზის მე-9 კილომეტრზე არსებულ 549 მეტრიან ესტაკადაზე სტიქიით დაზიანებული 50 მეტრიანი მონაკვეთის რეაბილიტაცია დასრულებულია.
დაზიანების გამო ესტაკადაზე ტრანსპორტის გადაადგილება შეუძლებელი იყო. სარეაბილიტაციო სამუშაოები საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა განახორციელა. პროექტის მიხედვით აღდგა ესტაკადის 2 მალი, აშენდა ერთი ახალი ბურჯი, რომელიც 21 მეტრიან ხიმინჯებზეა მოწყობილი; აღდგენილ მონაკვეთზე დაიგო ასფალტის საფარი, დაიხაზა გზის სავალი ნაწილი და შეიღება მოაჯირები. ასევე, ნაპირსამაგრი სამუშაოები ჩატარდა მდინარის კალაპოტში.
|
-
26 დეკემბერი, 2010
მდინარე გლდანულაზე, თბილისი-თიანეთის საავტომობილო გზის პირველ კილომეტრზე 60 მეტრიანი სახიდე გადასასვლელის მშენებლობა დასრულებულია. ახალი ხიდი საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა დღეს გახსნა.
ხიდი, რომელიც სოფელ გლდანულას თბილისთან აკავშირებდა მიმდინარე წელს სტიქიამ დაანგრია. ახალი სახიდე გადასასვლელის მშენებლობა ივლისში დაიწყო. ხიდის აშენებამდე სოფელ გლდანულას და თიანეთის მოსახლეობას დედაქალაქთან დაკავშირება შემოვლითი გზით უწევდათ.
|
|
|
