ჩქაროსნულ მაგისტრალზე, სვენეთი-რუისის 15 კმ-იანი მონაკვეთის ერთ-ერთ მნიშვნელოვან სეგმენტზე, სამშენებლო სამუშაოები დასასრულს უახლოვდება. რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა სამუშაოების მიმდინარეობა მოინახულა.
აღნიშნულ მონაკვეთზე სრულდება ცემენტო-ბეტონის საფარის დაგება. მდ. ლიახვზე მიმდინარეობს ორი პარალელური ესტაკადის მშენებლობა, რომლის სიგრძე 880 მეტრია და შენდება ორი 800 მეტრიანი გვირაბი. ასევე, აშენდა ახალი ბაიპასი და ხიდი რომელიც ნოემბერში გაიხსნება. პროექტზე 470 ადამიანია დასაქმებული, რომელთა დიდი ნაწილიც ადგილობრივი მოსახლეობაა.