საქართველოს რეგიონული განვითარებისა და ინფრასტრუქტურის მინისტრმა რამაზ ნიკოლაიშვილმა რიკოთის საუღელტეხილო გვირაბის სარეაბილიტაციო სამუშაოები მოინახულა.
პროექტი ითვალისწინებს:
- გვირაბის გზის სავალი ნაწილის რეაბილიტაციას;
- ჰიდროიზოლაციის სიტემის შეცვლას უახლესი ტექნოლოგიების გამოყენებით;
- ხანძარსაწინააღმდეგო, სავენტილაციო, განათებისა და ელექტროუზრუნველყოფის სისტემების მოდერნიზებას და საკანალიზაციო სისტემების განახლებას;
- ვიდეოკამერების დამონტაჟებას სადღეღამისო მონიტორინგის რეჟიმით;
- გვირაბში მოძრაობის ორგანიზებისა და უსაფრთხოების ღონისძიებების ევროპულ სტანდარტებთან შესაბამისობაში მოყვანას.
პროექტზე, რომლის ღირებულებაც 49,3 მილიონი ლარია, 150-მდე ადამიანია დასაქმებული და მათი ძირითადი ნაწილი ადგილობრივი მოსახლეობაა. რიკოთის გვირაბის რეაბილიტაციის პროექტს საქართველოს მთავრობა და მსოფლიო ბანკი აფინანსებს.