25 იანვარს, საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი იმყოფებოდა ქალაქ რუსთავში საწარმო ,,ჯეოსთილ”-ში.
შ.პ.ს. "ჯეოსთილი” არის "JSW India”-სა და "Georgian Steel Group Holding”-ის ერთობლივი საწარმო. იგი წარმოადგენს ერთ-ერთ უდიდეს უცხოურ ინდუსტრიულ ინვესტიციას საქართველოში, რომელიც დაკავებულია მაღალი-ხარისხის სამთო-სამრეწველო, ენერგეტიკული, ცემენტის წარმოების, სამშენებლო და ლოგისტიკის საქმიანობით. საწარმოში დამონტაჟებულია ერთი 35 ტონიანი ელექტრო-რკალური ღუმელი, ერთი 40 ტონიანი ციცხვი ღუმელი, ორნაკადიანი ნამზარდი ჩამომსხმელი და თერმო-მექანიკურად დამუშავებული არმატურის საამქრო ჟანგბადის საამქროსთან ერთად.
დეპარტამენტის თავმჯდომარე გაეცნო საწარმოს წარმადობას, რომელიც შეადგენს 175 ათასი ტონა წელიწადში. ასევე, გაეცნო არმატურისა და ფოლადის ხარისხს, მის წარმოებას.