საქართველოს საავტომობილო გზების დეპარტამენტის თავმჯდომარემ რამაზ ნიკოლაიშვილმა და გურიის რეგიონის გუბერნატორმა ვალერი ჩიტაიშვილმა ადგილობრივი მნიშვნელობის ბერძნისწყარო-კოხნარი-სერი-ზემოხეთის საავტომობილო გზის 6 კმ-იანი მონაკვეთის სარეაბილიტაციო სამუშაოები დაათვალიერეს.
აღნიშნულ მონაკვეთზე, გზის სარეაბილიტაციო სამუშაოები ითვალისწინებს ასფალტ-ბეტონის საფარის მოწყობას. ასევე, ხელოვნური ნაგებობების, კიუვეტებისა (სადრენაჟო არხები) და სანიაღვრე სისტემების აღდგენას. ასფალტ-ბეტონის საფარის დასრულების შემდეგ იგეგმება საგზაო ნიშნების მოწყობა და გზის მონიშვნის სამუშაოები.
სარეაბილიტაციო სამუშაოებს ასრულებს ქართული კომპანია შ.პ.ს. ,,საინჟინრო სამშენებლო ჯგუფი“. სამუშაოების ღირებულება მსოფლიო ბანკის დაფინანსებით შეადგენს 1 მლნ. 756 ათას ლარს. ეს გზა მეტად მნიშვნელოვანია ვინაიდან აღნიშნულ სოფლებში მცხოვრებ 2500 ადამიანს გაუადვილებს მიმოსვლას, რაც მოსახლეობის სოციალური მდგომარეობის გაუბჯობესებას შეუწყობს ხელს.