საგზაო დეპარტამენტი ზამთრის სეზონს მომზადებული ხვდება
ზამთრის სეზონის დადგომასთან დაკავშირებით, საავტომობილო გზების დეპარტამენტის თავმჯდომარის მოადგილე გიორგი ამაშუკელი გზების მოვლა-შენახვის ზედამხედველი კონტრაქტორი ორგანიზაციების წარმომადგენლებს შეხვდა.
შეხვედრაზე, ზამთარში გზების მოვლა-შენახვის სამუშაოებისათვის საგზაო კონტრაქტორი ორგანიზაციების მზადყოფნის საკითხი განიხილეს. კონტრაქტორებმა დეპარტამენტის ხელმძღვანელობას მოსამზადებელი სამუშაოების მიმდინარეობისა და ზამთრის პერიოდში გზების მოვლა-შენახვისათვის საჭირო ღონისძიებების (ქვიშა-მარილის მარაგის შექმნა, ტექნიკის მომზადება, საყრდენი პუნქტების გამართვა) შესახებ დეტალური ინფორმაცია წარმოუდგინეს.
შეხვედრის დასასრულს, გიორგი ამაშუკელმა აღნიშნა, რომ მოსამზადებელი პერიოდი გეგმიურად მიმდინარეობს და დეპარტამენტი მზად არის ზამთრის პერიოდში, საქართველოს საერთაშორისო და შიდასახელმწიფოებრივი მნიშვნელობის გზებზე თავისუფალი განვლადობის უზრუნველსაყოფად.
