საავტომობილო გზების დეპარტამენტის თავმჯდომარემ რუისი–აგარას მონაკვეთის მშენებლობა დაათავლიერა

საავტომობილო გზების დეპარტამენტის თავმჯდომარემ დავით შავლიაშვილმა და თავმჯდომარის მოადგილემ გიორგი ამაშუკელმა, რუისი-აგარას შემოვლითი საავტომობილო გზის 19-კილომეტრიან მონაკვეთზე მიმდინარე სამშენებლო სამუშაოები დაათვალიერეს.

თბილისი-სენაკი-ლესელიძის საავტომობილო გზის კმ95-114 (რუისი-აგარა) მონაკვეთის რეკონსტრუქცია-მოდერნიზაციის სამუშაოების ფარგლებში  მიმდინარეობს გზის საფუძვლის მოწყობის სამუშაოები; N1, N2  და N3 (რუისისა და ქარელის გზაგამტარები) გზაგამტარებზე ხიმინჯების მოწყობის სამუშაოები დასრულებულია.

 ამ დროისათვის, მიმდინარეობს რიგელების მოწყობისა და გზაგამტარებზე მისასვლელი გზების ყრილების მოწყობის სამუშაოები.

დასრულებულია წყალგამტარი და რკინაბეტონის 2 მიწისქვეშა გასასვლელის მშენებლობა, სადაც ამ ეტაპზე ხორციელდება მიწის სამუშაოები.

სამშენებლო სამუშაოები  2013 წლის 17 დეკემბერს დაიწყო და 2014 წლის ბოლოს დასრულდება.

კონტრაქტორი კომპანია -  China Nuclear Industri, დონორი კი მსოფლიო ბანკია.

პროექტის ბიუჯეტი კი 70,756,744,92 ლარს შეადგენს.