საავტომობილო გზების დეპარტამენტის თავმჯდომარემ დავით შავლიაშვილმა, თავმჯდომარის მოადგილეებმა ნუგზარ გასვიანმა და გიორგი ამაშუკელმა თბილისის შემოვლითი გზის მშენებლობა დაათვალიერეს.

 

თბილისის შემოვლითი გზის 7.3 კმ-იანი მონაკვეთის მშენებლობის პროექტით გათვალისწინებულია: გზის საფუძვლის მოწყობა, ასფალტ-ბეტონის საფარის დაგება, 14 წყალგამტარი რკ/ბეტონის მილის მშენებლობა,  საგზაო ნიშნების მონტაჟი და გზის სავალი ნაწილის მონიშნვა.

დღეისათვის, 6.5 კმ-ზე მოწყობილია ასფალტ-ბეტონის საგზაო სამოსი და დასრულებულია გზის ჭრილის მოწყობის სამუშაოები.

დანარჩენ 0.8 კმ-ზე მიმდინარეობს ასფალტ-ბეტონის დაგების სამუშაოები. გზის ჭრილის დამუშავებისა და ასფალტ-ბეტონის საფარის დაგების სამუშაოები. 

აღნიშნული გზის საშუალებით, სატრანზიტო მოძრაობა, დედაქალაქის შემოვლითი გზის კმ14-კმ21 მონაკვეთზე ახალ მიმართულებაზე გადაერთვება.

 

პროექტის ბიუჯეტი 14,923,000 ლარს შეადგენს.

კონტრაქტორი კომპანია შ.პ.ს. “ ბელბაუა“, სამუშაოები კი სახელმწიფო ბიუჯეტიდან ფინანსდება.