გურჯაანის ცენტრში მიმდინარე საგზაო  სამუშაოების გამო  მოძრაობა შემოვლით გზაზე გადაერთვება

ახმეტა-თელავი-ბაკურციხის საავტომობილო გზის 64კმ-ზე, რომელიც გურჯაანის ცენტრში თავისუფლების ქუჩაზე მდებარეობს მეწყრის შედეგად ჩაწყვეტილი მიწის ვაკისის აღდგენითი სამუშაოები მიმდინარეობს.

სარეაბილიტაციო სამუშაოებთან დაკავშირებით გზის ამ მონაკვეთზე 13 ივნისიდან ავტოტრანსპორტის გადაადგილების დროებითი რეჟიმი დაწესდება. კერძოდ,

ახმეტიდან ბაკურციხის მიმართულებით გურჯაანის ცენტრში ავტოტრანსპორტი  თავისუფლების ქუჩის გავლით იმოძრავებს, ხოლო ბაკურციხიდან ახმეტის მიმართულებით - შემოვლითი გზით, 9 აპრილის ქუჩის გავლით. დაწესებული რეჟიმი ძალაში იქნება აღნიშნული სამუშაოების დასრულებამდე.

პროექტი გზის სავალი ნაწილის აღდგენას, ტროტუარების მოწესრიგებასა და ასფალტ-ბეტონის საფარის დაგებას ითვალისწინებს.

სარეაბილიტაციო სამუშაოების სახელშეკრულებო ვადებია 29.04.2013-30.08.2013. სამუშაოებს სახელმწიფო დაფინანსებით შ.პ.ს „საგზაო სამშენებლო კომპანია სერპანტინი” ასრულებს.

ამდროისათვის, სარეაბილიტაციო სამუშაოები უწყვეტ რეჟიმში მიმდინარეობს და სავარაუდოდ, ხელშეკრულებით გათვალისწინებულ ვადაზე ადრე დასრულდება.