საავტომობილო გზების დეპარტამენტის თავმჯდომარემ ქობულეთის შემოვლითი გზის მშენებლობის სამუშაოები მოინახულა
საქართველოს საავტომობილო გზების დეპარტამენტის თავმჯდომარემ ზაქარია ხუნძაყიშვილმა მიმდინარე პროექტების მონიტორინგის ფარგლებში, ქობულეთის შემოვლითი გზის 12 კმ-იან მონაკვეთზე მიმდინარე სამშენებლო სამუშაოები დაათვალიერა.
ჩოლოქი-სარფი ს/გზის ახალი მიმართულება – ქობულეთის შემოვლითი გზა ლოტი სამშენებლო მონაკვეთის სიგრძე 12 კმ.
ქობულეთის შემოვლითი გზის 0-12.4 კმ-ებზე მიმდინარეობს: ხიდების მალის ნაშენისთვის წინასწარდაძაბული კოჭების მონტაჟის სამუშაოები; ხიდებზე ნიუჯერსის ტიპის ბეტონის ბარიერების სამონტაჟო სამუშაოები და გზის საფუძვლის (მიწის ვაკისის) მოწყობის სამუშაოები.
აღნიშნული პროექტის ფარგლებში ხორციელდება ჩაქვი-მახინჯაურის მონაკვეთზე (30-33 კმ-ებზე) არსებული ორზოლიანი გზის ოთხზოლიანად გაგანიერება, სადაც მიმდინარეობს მიწის ვაკისის მოწყობის სამუშაოები.
სამუშაოების დასრულება დაგეგმილია 2013 წლის აგვისტოში.