გორის გვირაბების პორტალებზე ფერდობების გამაგრების სამუშაოები მიმდინარეობს
თბილისი-სენაკი-ლესელიძე ს/გზის კმ88-ზე გორის საუღელტეხილო გვირაბების აღმოსავლეთ და დასავლეთ პორტალებზე ფერდობების გამაგრების სამუშაოები მიმდინარეობს.
აღნიშნული სამუშაოები ფერდობების მდგრად მდგომარეობაში შენარჩუნებისა და უსაფრთხოების უზრუნველყოფის მიზნით ხორციელდება.
ფერდობების გამაგრების ღონისძიებები: გრუნტის უკუჩაყრა და დატკეპნა 30-35სმ-იან ფენებად; გეოსინთეტიკური ბადეების - პარაგრიდების მოწყობა ყოველ ერთ მეტრ სიმაღლეზე გრუნტის მდგრადობის გასაძლიერებლად; ფერდობების წინა ფასადის გამაგრება გეოსინთეტიკური ბადეებისა და ჰიდროთესვით მიღებული გამწვანების გზით - ,,მწვანე ტერამიშის” ტექნოლოგიით.
აღნიშნული სამუშაოები 2012 წლის დეკემბერში დაიწყო და 2013 წლის აპრილის ბოლოს დასრულდება.