საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი დაესწრება შიდასახელმწიფოებრივი მნიშვნელობის ხერთვისი-ვარძია-თურქეთის საზღვარის საავტომობილო გზის 5 კმ-იანი (სოფელი ხერთვისი) მონაკვეთის გახსნას.
აღნიშნულ მონაკვეთზე, გზის სარეაბილიტაციო სამუშაოები ითვალისწინებდა გზის საფუძვლის მოწყობას რეციკლირების მეთოდით და ახალი ასფალტო-ბეტონის საფარის დაგებას (ორი ფენა). ასევე, ხელოვნური ნაგებობების აღდგენას, გაბიონების, სანიაღვრე სისტემისა და საგზაო ნიშნების მოწყობას. სარეაბილიტაციო სამუშაოების ღირებულება შეადგენს 3 მლნ. 201 ათასი ლარს, რომელიც დაფინანსდა სახელმწიფო ბიუჯეტით. სამუშაოები შეასრულა შ.პ.ს. ,,ბელ-ბაუ”-მ.
აღნიშნულ მიმართულებაზე საგზაო ქსელის რეაბილიტაცია, ხელს შეუწყობს გზის გამტარუნარიანობის გაზრდასა და საქართველოში ტურიზმის განვითარებას. ასევე, ხელს შეუწყობს დასახლებულ პუნქტებს შორის ავტოტრანსპორტის უფრო კომფორტულ გადაადგილებას და მოსახლეობის სოციალური მდგომარეობის გაუმჯობესებას.
