ჩქაროსნული გზატკეცილის E-60 მაგისტრალის სვენეთი-რუისის 15 კილომეტრიანი მონაკვეთის მარჯვენა მიმართულებაზე ცემენტო-ბეტონის საფარის დაგება დასრულებულია.
საქართველოს რეგიონული განვითარებისა და ინფრასტრუქტურის მინისტრი რამაზ ნიკოლაიშვილი სამუშაოების დასრულების პროცესს, გვიან ღამით, პირადად დაესწრო.
ჩქაროსნული გზატკეცილის E-60 მაგისტრალის სვენეთი-რუისის 15 კილომეტრიანი მონაკვეთის მშენებლობაზე აზერბაიჯანული კომპანია "აკორდი" მუშაობს. ამჟამად სამუშაოები 24 საათიანი რეჟიმით ორი, 800 მეტრიანი გვირაბისა და ორი, 880 მეტრიანი ესტაკადის მშენებლობაზე მიმდინარეობს.
პროექტზე 200-მდე ადამიანია დასაქმებული, რომელთა უმრავლესობა ადგილობრივი მოსახლეობაა.
პროექტი მოიცავს საგზაო - სამშენებლო ნაგებობათა თითქმის ყველა სახეობას. სწორედ ამიტომ E-60 მაგისტრალის სვენეთი-რუისის 15 კილომეტრიანი მონაკვეთის მშენებლობა ერთ-ერთ ყველაზე მასშტაბურ პროექტთა რიცხვს განეკუთვნება.