ქალაქ ზუგდიდში აეროპორტის მშენებლობა დაიწყო. პროექტი, რომელიც საქართველოს რეგიონული განვითარებისა და ინფრასტრუქტურის სამინისტროს კოორდინირებით ხორციელდება ითვალისწინებს 1კმ და 300 მეტრი სიგრძისა და 30 მეტრის სიგანის, ასფალტ-ბეტონის საფარით მოწყობილი თვითმფრინავის ასაფრენ-დასაფრენი ბილიკის მშენებლობას. ზუგდიდის აეროპორტის პროექტი საერთაშორისო პარამეტრების გათვალისწინებით შემუშავდა. სამშენებლო სამუშაოებს კომპანია "ბლექსი ჯგუფი" განახორციელებს და მასზე 300-მდე ადამიანი დასაქმდება, რომელთა დიდი ნაწილიც ადგილობრივი მოსახლეობა იქნება.
ზუგდიდის აეროპორტის მშენებლობა ხელს შეუწყობს სამეგრელოს რეგიონში ტურიზმის განვითარებას, რაც თავის მხრივ მოსახლეობის დასაქმებისა და მათი სოციალურ მდგომარეობის გაუმჯობესების წინაპირობა იქნება.