სიახლეები

• 30 ივნისი, 2009 საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი დაესწრება შიდასახელმწიფოებრივი მნიშვნელობის ხერთვისი-ვარძია-თურქეთის საზღვარის საავტომობილო გზის 5 კმ-იანი (სოფელი ხერთვისი) მონაკვეთის გახსნას.

• 25 ივნისი, 2009 თბილისის ისტორიის მუზეუმში - ,,ქარვასლაში” (მის. სიონის ქუჩა #8) ეწყობა პროექტის ,,საქართველოს გზები – ისტორია და თანამედროვეობა'' პრეზენტაცია. პროექტის ავტორი და ორგანიზატორია საავტომობილო გზების დეპარტამენტი. აღნიშნული პროექტის ფარგლებში, 25-30 ივნისს, საავტომობილო გზების დეპარტამენტი საგამოფენო დარბაზ ,,ქარვასლაში'' აწყობს საქართველოში საავტომობილო გზების მშენებლობის ამსახველი ისტორიული და თანამედროვე ფოტოების გამოფენას.

• 23 ივნისი, 2009 23 ივნისს, 12:00 სთ-ზე, საქართველოს რეგიონული მართვისა და ინფრასტრუქტურის მინისტრი დავით ტყეშელაშვილი და საავტომობილო გზების დეპარტამენტის თავმჯდომარე რამაზ ნიკოლაიშვილი თბილისი-სენაკი-ლესელიძის ჩქაროსნული გზატკეცილის იგოეთი-სვენეთის მონაკვეთს გახსნიან. აღნიშნულ მონაკვეთზე მარჯვენა მიმართულების გზის მოდერნიზაცია ცემენტო-ბეტონის საფარის გამოყენებით დასრულდა. პარალელურად, განხორციელდება გზის მოდერნიზაციის სამუშაოები მარცხენა მიმართულებაზე.

• 23 ივნისი, 2009 საქართველოს რეგიონული განვითარებისა და ინფრასტრუქტურის მინისტრი დავით ტყეშელაშვილი და საავტომობილო გზების დეპარტამენტის თავმჯდომარე რამაზ ნიკოლაიშვილი თბილისის ისტორიის მუზეუმში დაესწრებიან წინასაგამოფენო სამუშაოებს, რომელიც ჩატარდება მიმდინარე წლის 25 ივნისს - თემაზე ,,საქართველოს გზები – ისტორია და თანამედროვეობა''. პროექტის ავტორი და ორგანიზატორია საავტომობილო გზების დეპარტამენტი.

• 19 ივნისი, 2009 ჩქაროსნული გზატკეცილის მშენებლობის მიმდინარეობასთან დაკავშირებით, უნდა განხორციელდეს ცემენტ-ბეტონის დამგები დანადგარის გადაყვანა ერთი კილომეტრის მანძილზე - თბილისი-სენაკი-ლესელიძის სააავტომობილო გზის 78-ე კმ-დან 79-ე კმ-მდე (სოფ. სვენეთთან). ვინაიდან, აღნიშნული მექანიზმი არის არაგაბარიტული (დანადგარის სიგანე მოიცავს თითქმის მთელი გზის სიგანეს) მისი გადაადგილების დროს, ჩქაროსნულ გზატკეცილზე მხოლოდ 2 საათით შეფერხდება ავტოტრანსპორტის მოძრაობა