სიახლეები

• 15 ივლისი, 2009 საქართველოს რეგიონული განვითარებისა და ინფრასტრუქტურის მინისტრი დავით ტყეშელაშვილი და საავტომობილო გზების დეპარტამენტის თავმჯდომარე რამაზ ნიკოლაიშვილი საერთაშორისო მნიშვნელობის თბილისი-სენაკი-ლესელიძის საავტომობილო გზის ერთ-ერთი მნიშვნელოვანი სექციის, სვენეთი-რუისის 15 კმ-იანი მონაკვეთის სამშენებლო სამუშაოების დაწყებას დაესწრებიან. ადგილზე გადაეცამათ კონტრაქტები სვენეთი-რუისის მონაკვეთის ტენდერში გამარჯვებულ კომპანიებს.

• 14 ივლისი, 2009 საქართველოს საავტომობილო გზების დეპარტამენტის საკონფერენციო დარბაზში გაიმართება სატენდერო კომისიის სხდომა, სადაც მოხდება შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის 27 კმ-იანი მონაკვეთის გაუმჯობესებაზე ტენდერში მონაწილე პრეტედენტების წინასაკვალიფიკაციო შერჩევა.

• 10 ივლისი, 2009 საქართველოს რეგიონული განვითარებისა და ინფრასტრუქტურის მინისტრი დავით ტყეშელაშვილი, საავტომობილო გზების დეპარტამენტის თავმჯდომარე რამაზ ნიკოლაიშვილი და აჭარის ავტონომიური რესპუბლიკის მთავრობის თავმჯდომარე ლევან ვარშალომიძე აჭარის რეგიონში, ქ. ქობულეთში (სოფლები სამება-ზედა სამება) შიდასახელმწიფოებრივი მნიშვნელობის საავტომობილო გზის 4 კმ-იან მონაკვეთს გახსნიან. ეს ექსპერიმენტული   პროექტია და პირველად ხდება, რომ სოფლად გზის დასაგებად უახლეს ტექნოლოგიას, ბეტონის დამგებ მანქანა-დანადგარს იყენებენ.

• 5 ივლისი, 2009 საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი ადიგენის რაიონი, შიდასახელმწიფოებრივი  მნიშვნელობის ადიგენი-არალი-უდეს საავტომობილო გზის 6,8 კმ-იან მონაკვეთზე (სოფლები არალი და უდე) სარეაბილიტაციო სამუშაოებს გაუწევს მონიტორინგს.

• 4 ივლისი, 2009 საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი თბილისი-სენაკი-ლესელიძის საავტომობილო გზის 142 კმ-ზე, რიკოთის საუღელტეხილო გვირაბთან გამართავს საინფორმაციო ხასიათის ბრიფინგს, გვირაბში ჩასატარებელი სარეაბილიტაციო სამუშაოების შესახებ.