სიახლეები

• 11 დეკემბერი, 2009 საქართველოს რეგიონული განვითარებისა და ინფრასტრუქტურის მინისტრი დავით ტყეშელაშვილი და საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილი რაჭა-ლეჩხუმისა და ქვემო-სვანეთის რეგიონში  შიდასახელმწიფოებრივი მნიშვნელობის ქუთაისი-ალპანა-მამისონის უღელტეხილის საავტომობილო გზის 3 კმ-იანი მონაკვეთი და ამავე გზის 113 კმ-ზე სახიდე გადასასვლელს გახსნიან.

• 10 დეკემბერი, 2009 საქართველოს საავტომობილო გზების დეპარტამენტის თავმჯდომარის ინიციატივით, სასტუმრო “Radisson”-ის საკონფერენციო დარბაზში გაიმართება ,,მეგზევის დღისადმი” მიძღვნილი ღონისძიება. აღნიშნულ ღონისძიებაზე მოწველნი არიან საქართველოს პრემიერ-მინისტრი ნიკა გილაური და საქართველოს რეგიონული განვითარებისა და ინფრასტრუქტურის მინისტრი დავით ტყეშელაშვილი. ასევე, საქართველოში აკრედიტებული დიპლომატიური კორპუსისა და ქართული სამშენებლო კომპანიის წარმომადგენლები.

• 9 დეკემბერი, 2009 8 დეკემბერს, საქართველოს პრეზიდენტმა მიხეილ სააკაშვილმა, 2009 წელს საქართველოში გზების ინფრასტრუქტურის მშენებლობაში შეტანილი წვლილისათვის, მაღალი პროფესიონალიზმისა და მიმდინარე წელს გაწეული ნაყოფიერი საქმიანობისათვის საავტომობილო გზების დეპარტამენტის თავმჯდომარე რამაზ ნიკოლაიშვილი, დეპარტამენტისა და საგზაო სექტორში მომუშავე კომპანიების თანამშრომლები ღირსების ორდენითა და მედლით დააჯილდოვა. სახელმწიფო ჯილდოები, რომელზეც წარდგენილი იყო 16 კანდიდატი, თავად მიხეილ სააკაშვილმა გადასცა.

• 6 დეკემბერი, 2009 საქართველოს საავტომობილო გზების დეპარტამენტის თავმჯდომარე რამაზ ნიკოლაიშვილმა შიდასახელმწიფოებრივი მნიშვნელობის იგოეთი-კასპი-ახალქალაქის საავტომობილო გზის მე-17 კმ-ზე, მდინარე მტკვარზე სახიდე გადასასვლელს გახსნა.

• 2 დეკემბერი, 2009 საქართველოს რეგიონული განვითარებისა და ინფრასტრუქტურის მინისტრის მოადგილე ჯამბულ ბაკურაძე და საავტომობილო გზების დეპარტამენტის თავმჯდომარე რამაზ ნიკოლაიშვილი საერთაშორისო მნიშვნელობის თბილისი-სენაკი-ლესელიძის ჩქაროსნული მაგისტრალის ერთ-ერთი მნიშვნელოვანი სექციის, სვენეთი-რუისის 15 კმ-იანი მონაკვეთის სამშენებლო სამუშაოებს ადგილზე გაუწევენ მონიტორინგს.