სიახლეები

• 22 თებერვალი, 2010 საავტომობილო გზების დეპარტამენტის თავმჯდომარე რამაზ ნიკოლაიშვილი იმერეთის რეგიონში, ქუთაისის მუნიციპალიტეტში პრეზიდენტის რწმუნებულთან ლაშა მაქაცარიასთან და რაიონების გამგებლებთან ერთად განიხილავს 2010 წლის გეგმებს. ასევე, მოხდება 2010 წელს იმერეთის რეგიონში დასაწყები პროექტების პრეზენტაცია.

• 21 თებერვალი, 2010 საქართველოს საავტომობილო გზების დეპარტამენტის თავმჯდომარემ რამაზ ნიკოლაიშვილმა კახეთის რეგიონში, ადგილობრივი  მნიშვნელობის ბოდბისხევი-ჯუგაანი-ტიბაანის საავტომობილო გზის 5 კმ-იანი დასრულებული მონაკვეთი მოინახულა.

• 18 თებერვალი, 2010 დღეს საქართველოში დაბრუნდა დელეგაცია, რომელიც დონეცკის ოლქის საავტომობილო გზების სამსახურის ოფიციალური მიწვევით ორ დღიანი ვიზიტით უკრაინაში იმყოფებოდნენ.

• 12 თებერვალი, 2010 საქართველოს საავტომობილო გზების დეპარტამენტის საკონფერენციო დარბაზში გაიმართა სატენდერო კომისიის სხდომა, რომელიც შეეხებოდა შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 81-90 კმ-ზე, 10 კილომეტრიანი მონაკვეთის სარეაბილიტაციაო სამუშაოების შესყიდვას. აღნიშნულ სხდომაზე გაიხსნა სამშენებლო კომპანიების მიერ წარმოდგენილი ფინანსური წინადადებები.

• 11 თებერვალი, 2010 საქართველოს საავტომობილო გზების დეპარტამენტის საკონფერენციო დარბაზში გაიმართა სატენდერო კომისიის სხდომის მეორე ეტაპი, რომელიც შეეხებოდა საერთაშორისო მნიშვნელობის თბილისი-სენაკი-ლესელიძის საავტომობილო გზის 142 კმ-ზე, რიკოთის საუღელტეხილო გვირაბის სარეაბილიტაციაო სამუშაოების შესყიდვას. აღნიშნულ სხდომაზე გაიხსნა პირველი ტურის შედეგად კვალიფიცირებული სამშენებლო კომპანიების მიერ წარმოდგენილი ფინანსური წინადადებები. ტენდერში მონაწილეობა ხუთმა კომპანიამ მიიღო.