საქართველოს საავტომობილო გზების დეპარტამენტთან გაფორმებული ხელშეკრულების ფარგლებში, დეპარტამენტის კონტრაქტორი ორგანიზაცია გაერთიანებული საწარმო POLATYOL & MAPA JV ახორციელებს ბათუმის შემოვლითი გზის პროექტს. რომლის ფარგლებშიც, შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის კმ3-კმ4 მონაკვეთზე, ხორციელდება ოპტიკურ-ბოჭკოვანი ქსელების და გარე-განათების ქსელის კვების ალტერნატიული მილსადენის მშენებლობა, რისთვისაც საჭიროა 2023 წლის 15 მარტის 22:00 სთ-დან, 16 მარტის 06:00 სთ-მდე, აღნიშნულ მონაკვეთზე, სავალი ნაწილის დროებით შევიწროვება ჯერ ერთ, შემდეგ მეორე სამოძრაო ზოლზე და საგზაო მოძრაობის უსაფრთხოების ზომების გატარება.