საერთაშორისო მნიშვნელობის თბილისი–სენაკი–ლესელიძის (რუსეთის ფედერაციის საზღვარი) საავტომობილო გზის ქუთაისის შემოვლით მონაკვეთზე ავტოტრანსპორტის მოძრაობა თავისუფალია და განხორციელდება შემდეგნაირად:
აღმოსავლეთიდან დასავლეთის მიმართულებით მოძრავი სატრანსპორტო ნაკადი ნახშირღელეს სატრანსპორტო კვანძით გადაადგილდება შიდასახელმწიფოებრივი მნიშვნელობის თბილისი-სენაკი-ლესელიძის ს/გზის კმ216 (ნახშირღელეს სატრანსპორტო კვანძი)-ქუთაისი-სამტრედიის საავტომობილო გზის კმ13 მონაკვეთამდე, საიდანაც ნიკეას ქუჩის გავლით დაუკავშირდება გეგუთის სატრანსპორტო კვანძს. შემდგომ ცალმხრივად იმოძრავებს ბაშის სატრანსპორტო კვანძამდე და დაფნარის სატრანსპორტო კვანძის გავლით დაუკავშირდება ფოთის, ბათუმის, სარფის და სენაკი-ზუგდიდის მიმართულებებს;
გეგუთის სატრანსპორტო კვანძიდან ბაშის სატრანსპორტო კვანძამდე ავტოტრანსპორტის მოძრაობა განხორციელდება ცალმხრივად - ორი სამოძრაო ზოლით;
დასავლეთიდან აღმოსავლეთის მიმართულებით მოძრავი სატრანსპორტო ნაკადი გადაადგილდება შიდასახელმწიფოებრივი მნიშვნელობის თბილისი-სენაკი-ლესელიძის ს/გზის კმ216 (ნახშირღელეს სატრანსპორტო კვანძი)-ქუთაისი-სამტრედიის საავტომობილო გზის კმ37 მონაკვეთმდე და შემდგომ ბაშის სატრანსპორტო კვანძის გამოყენებით დაუკავშირდება აღმოსავლეთის მიმართულებას.
აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით.