საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, ს.ს. “საქართველოს სახელმწიფო ელექტროსისტემა“ ახორციელებს გარდაბნის რაიონის სოფ. სართიჭალაში მდებარე 35/10კვ ძაბვის ქ/ს „პატარძეულის“ და „სართიჭალის“ დამაკავშირებელი 35კვ ელექტროგადამცემი ხაზის გაძარცული უბნის სარეაბილიტაციო სამუშაოებს, რისთვისაც საჭიროა საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილოგზის კმ35 მონაკვეთზე (სოფ სართიჭალა), 2019 წლის 26 ივნისს 05:00 სთ-დან 07:30 სთ-მდე ორჯერ და 11:00 სთ-დან 13:30 სთ-მდე ორჯერ, ავტოტრანსპორტის მოძრაობის ჩაკეტვა, 3 წუთიანი ინტერვალებით.
აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კორდინაციით.
ავტოტრანსპორტის მოძრაობის ჩაკეტვა განხორციელდება თანდართული დროებითი მოძრაობის ორგანიზაციის სქემის შესაბამისად.