საავტომობილო გზების დეპარტამენტი
თბილისი-გაჩიანის დამაკავშირებელ გზაზე გზაგამტარის რეაბილიტაცია დასრულდა
თბილისი-გაჩიანის დამაკავშირებელ გზაზე გზაგამტარის რეაბილიტაცია დასრულდა
23 იან, 2019 12:17:33

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტრამენტის თავმჯდომარის მოადგილე გიორგი წერეთელმა გარდაბნის მუნიციპალიტეტში, თბილისი-ველი-გაჩიანი-რუსთავის საავტომობილო გზის მე-8 კმ-ზე არსებული, რეაბილიტირებული რკინიგზის გზაგამტარი დაათვალიერა.

აღნიშნული გზაგამტარი,  გასული საუკუნის 80-იან წლებშია აგებულია. ხიდი დაზიანებული იყო და არ შეესაბამებიოდა გაზრდილ სატრანსპორტო მოთხოვნებს.

რეაბილიტაციის პროექტის შესაბამისად, ხიდზე არსებული პრობლემები სრულად მოგვარდა, კერძოდ: განხორციელდა გზაგამტარის სავალი ნაწილის რეაბილიტაცია,  მოეწყო ახალი მოაჯირები და სადეფორმაციო ნაკერები. 

პროექტი სახელმწიფო ბიუჯეტიდან დაფინანსდა და მისმა ღირებულებამ 984 200 ლარი შეადგინა. სამუშაოები 2018 წლის მაისში დაიწყო და დეკემბერში დასრულდა.

ფოტო მასალა
ინტერაქტიული რუკა
საქართველო 0160, ქ. თბილისი, ალ ყაზბეგის №12
info@georoad.ge
ცხელი ხაზი:
(995 32) 2 31 30 76
შემოგვიერთდით: