საავტომობილო გზების დეპარტამენტი
ახმეტა–თელავი–ბაკურციხის საავტომობილო გზის 9 კილომეტრიანი მონაკვეთის რეაბილიტაცია დასრულდა
ახმეტა–თელავი–ბაკურციხის საავტომობილო გზის 9 კილომეტრიანი მონაკვეთის რეაბილიტაცია დასრულდა
27 თებ, 2015 00:00:00

ახმეტა–თელავი–ბაკურციხის საავტომობილო გზის 9 კილომეტრიანი მონაკვეთის რეაბილიტაცია დასრულდა.       განხორციელებული სამუშაოები საავტომობილო გზების დეპარტამენტის თავმჯდომარემ ვაჟა ფანჩულიძემ მოინახულა.

რეაბილიტირებული მონაკვეთი ქ. გურჯაანის ტერიტორიაზე იწყება  და საერთაშორისო მნიშვნელობის თბილისი–ბაკურციხე–ლაგოდეხის საავტომობილო გზის მიერთებაზე მთავრდება. პროექტის ფარგლებში აღდგა საგზაო საფარი, გაიწმინდა და შეკეთდა გვერდულები, კიუვეტები და მილები, მოეწყო ტროტუარები და განხორციელდა სავალი ნაწილის მონიშვნის სამუშაოები.

რეაბილიტირებული გზით კახეთის რეგიონის რამდენიმე სოფლის- ჭანდარის, ვეჯინის, კოლაგისა და ბაკურციხის მოსახლეობა სარგებლობს. განხორციელებულმა პროექტმა აღნიშნულ მონაკვეთზე ავტომობილებით გადაადგილება გააადვილა და მოძრაობა მეტად უსაფრთხო გახადა.

 სამუშაოებზე 65 ადგილობრივი მცხოვრები იყო დასაქმებული. პროექტი სახელმწიფო ბიუჯეტიდან დაფინანსდა და მისმა ღირებულებამ 5 მილიონ 444 ათასი ლასი შეადგინა.

 

ფოტო მასალა
ინტერაქტიული რუკა
საქართველო 0160, ქ. თბილისი, ალ ყაზბეგის №12
info@georoad.ge
ცხელი ხაზი:
(995 32) 2 31 30 76
შემოგვიერთდით: