საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი და  არასამთავრობო ორგანიზაცია, ფონდი ,,პარტნიორობა საგზაო უსაფრთხოებისთვის”   კახეთის რეგიონში საგზაო უსაფრთხოების საგანმანათლებლო და ცნობიერების ამაღლების პროექტს  იწყებს.  პროექტი ხორციელდება რეგიონული განვითარებისა და ინფრასტრუქტურის, განათლების, შინაგან საქმეთა სამინისტროებთან,  რეგიონის ბიზნესსექტორის წარმომადგენლებთან, ადგილობრივ ხელისუფლებასა და მედიასთან ერთად.   პროექტის მიზანია კახეთის რეგიონში გზების გასწვრივ მცხოვრებთა  ცნობიერების ამაღლება გადაადგილების უსაფრთხოების საკითხებში. პროექტი ხორციელდება მსოფლიო ბანკის ფინანსური მხარდაჭერით.