ხვალ, 21 ოქტომბერს, 12:00 საათზე, კახეთის რეგიონში, შიდასახელმწიფოებრივი მნიშვნელობის ჩალაუბანი–სიღნაღი-ანაგას (კმ16–კმ22) საავტომობილო გზაზე, საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი, საქართველოს საავტომობილო გზების დეპარტამენტის თავმჯდომარე ვაჟა ფანჩულიძე, კახეთის გუბერნატორის ირაკლი შიოლაშვილი და მსოფლიო ბანკის წარმომადგენელი, ჩალაუბანი–სიღნაღი-ანაგას საავტომობილო გზის 6,4 კილომეტრიან ახალ რეაბილიტირებულ მონაკვეთს ოფიციალურად გახსნიან.
შიდასახელმწიფოებრივი მნიშვნელობის ჩალაუბანი–სიღნაღი-ანაგას საავტომობილო გზის რეაბილიტაცია 2013 წლის სექტემბერში დაიწყო, მისმა ღირებულებამ 3 222 900 ლარი შეადგინა. აღნიშნული მონაკვეთის რეაბილიტაცია მეორე შიდასახელმწიფოებრივი და ადგილობრივი გზების პროექტი (SLRP II) ფარგლებში მსოფლიო ბანკის დაფინანასებით განხორციელდა.
მისამართი: ჩალაუბანი–სიღნაღი–ანაგას გზის კმ–15, ანაგის მხრიდან, არსებულ გალავანთან
საკონტაქტო ინფორმაცია:
საავტომობილო გზების დეპარტამენტის
საზოგადოებასთან ურთიერთობის სამსახური
თეა გოცაძე
ტელ: 591 01 98 90