დღეს, შუადღის 2 საათზე თბილისი–სენაკი–ლესელიძის საავტომობილო გზის 146–ე კმ–ზე მეწყერი ჩამოწვა და მსუბუქი ავტოტრანსპორტისთვის მოძრაობა აიკრძალა. საავტომობილო გზების დეპარტამენტის შესაბამისმა სამსახურებმა მაშინვე დაიწყეს გაწმენდითი სამუშაოები, რის შედეგაც გზის სავალი ნაწილის კლდის ჩამონაშალისგან გაწმენდა მოხერხდა. ამ დროისთვის, რიკოთის საუღელტეხილო მონაკვეთზე მსუბუქი ავტომობილებისთვის მოძრაობა ორივე მიმართულებით თავისუფალია. შეზღუდვა წესდება მხოლოდ მისაბმელიან და ნახევრადმისაბმელიან ავტოტრანსპორტზე, მათთვის მოძრაობა ღამის 12:00 საათის შემდეგ გახდება შესაძლებელი.