საქართველოს რეგიონული განვითარებისა და ინფრასტრუქტურის მინისტრის მოადგილე გიორგი ამაშუკელი, საავტომობილო გზების დეპარტამენტის მოადგილეები იოსებ ქადაგიშვილი და ვაჟა ფანჩულიძე ბალარუსიის კომპანიების –„სპეცინჟსტროისა და „მინსკმეტროპროექტის“  წარმომადგენლებს შეხვდნენ.

გიორგი ამაშუკელმა  სამინისტროს მიერ განხორციელებული, მიმდინარე და სამომავლო პროექტების შესახებ წარადგინა პრეზენტაცია. კომპანიებმა კი მათ მიერ განხორციელებული, მიმდინარე  პროექტები და გამოყენებული ტექნოლოგიები გააცნეს  ქართულ მხარეს.

ბელარუსიის კომპანიები საქართველოში მიმდინარე პროექტებისა და ბაზრის გაცნობით არიან დაინტერესებულნი. მათი ძირითადი მიმართულება საავტომობილო გვირაბებისა და მეტროპოლიტენის მშენებლობაა.